निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
म्याग्दे : पृथ्वी राजमार्ग अन्तर्गत तनहुँको म्याग्दे गाउँपालिका–४ मनहरिमा बुधबार भएको दुर्घटनामा परी एक युवकको मृत्यु भएको छ । दमौलीबाट पोखरातर्फ जाँदै गरेको ग ४ प २२१३ नम्बरको मोटरसाइकल र विपरित दिशाबाट आउँदै गरेको ना ६ ख ५७२५ नम्बरको ट्रक ठोक्किदा मोटरसाइकल चालकको मृत्यु भएको हो ।
मृत्यु हुनेमा व्यास नगरपालिका–११ बस्ने २७ वर्षीय प्रकाश विक रहेको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिए । गम्भीर घाइते भई थप उपचारका लागि पोखरा लगिएकामा गण्डकी अस्पतालमा मृत घोषणा गरिएको उनले बताए ।
घाइतेलाई शुक्लागण्डकीस्थित जिपी कोइराला उपचारमा प्राथमिक उपचार पश्चात् पोखरा पठाइएको थियो । सडकमा रहेको खाल्डाखुल्डी छल्ने क्रममा मोटरसाइकल र ट्रक ठोक्किएको प्रत्यक्षदर्शीले बताएका छन् ।
