निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
काठमाडौ : नेपाली सेनाका बलाधिकृत रथी प्रभुराम शर्मा कायममुकायम प्रधानसेनापति नियुक्त भएका छन्।
आइतबार राष्ट्रपति विद्यादेवी भण्डारीले शर्मालाई कायममुकायम प्रधानसेनापति तोकेकी हुन्। सरकारको सिफारिशमा शर्मालाई कायममुकायम प्रधानसेनापति तोकिएको राष्ट्रपतिको कार्यालयका प्रवक्ता जगन्नाथ पन्तले जनाएका छन्।
प्रधानसेनापति पूर्णचन्द्र थापाले २४ भदौबाट अनिवार्य अवकाश पाउँदै छन्। त्यसअघि उनी २५ साउनबाट बिदामा बस्ने भएका छन्।
थापा बिदामा बस्ने भएपछि ज्येष्ठता क्रममा रहेका शर्मालाई कायममुकायम प्रधानसेनापति तोक्नका लागि सरकारले सिफारिश गरेको थियो। सरकारको सिफारिशमा सैनिक ऐन, २०६३ को दफा ८ को उपदफा ३ बमोजिम शर्मालाई कायममुकायम प्रधानसेनापति तोकिएको राष्ट्रपतिको कार्यालयका प्रवक्ता पन्तले जनाएका छन्।
उनलाई २६ साउनदेखि लागू हुने गरी कायममुकायम प्रधानसेनापति तोकिएको हो।
