निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमौली : व्यास-१ भादगाउँस्थित आदिकवि भानुभक्त क्याम्पसका विद्यार्थीले स्थापना गरेको जीवनसेवा अभियान मार्फत् सोही क्याम्पसमा अध्ययनरत विपन्न विद्यार्थीलाई सहयोग गरिएको छ । विपन्न विद्यार्थीको अध्ययनमा सहयोग पुर्याउने उद्धेश्य बमोजिम अभियानमार्फत् कक्षा ११ व्यवस्थापन विभागमा अध्ययनरत रेखा सोनामलाई पॉच हजार सहयोग गरिएको हो ।
आर्थिक समस्याका कारण विद्यार्थी अध्ययनबाट वन्चित नहुन् भन्नका लागि सहयोग गरिएको अभियानका संस्थापक राजेशकुमार श्रेष्ठले जानकारी दिए । “सेवा भाव , नैतिकता र विद्यार्थीको शैक्षिक क्षेत्रप्रतिको अवरोधको पहिचान गर्ने र आर्थिक तथा मानसिक समस्याको समाधान गर्ने अभियानको मूल ध्येय हो,” उनले भने ।
अभियानमार्फत् अध्यननका क्रममा खडा हुने आर्थिक समस्यालाई समाधान गर्दै कयौं विद्यार्थीलाई क्याम्पस छाड्ने बाध्यताको अन्त्यका लागि सहयोग गरिदै आएको छ ।
