निष्पक्ष र विश्वसनीय खबरको सँगालो 
Khabar Punja
१५ कार्तिक २०८१, शुक्रबार
दमौली : पृथ्वीराजमार्ग अन्तर्गत तनहुँको म्याग्दे गाउँपालिका–४ मनहरीमा बिहीबार भएको दुर्घटनामा आमा छोरा घाइते भएका छन् । पोखराबाट दमौलीतर्फ आउँदै गरेको बा ९६ प ८०८२ नम्बरको मोटरसाइकल र विपरित दिशाबाट जाँदै गरेको ना ६ त १०५५ नम्बरको ट्याक्टर ठोक्किदा मोटरसाइकलमा सवार दुई जना घाइते भएका हुन् ।
घाइते हुनेमा गोरखाको बाह्रकिलो बस्ने ३८ वर्षीय दामबहादुर थापा र ६० वर्षीया तिलककुमारी थापा रहेको जिल्ला प्रहरी कार्यालय तनहुँले जनाएको छ । घाइते आमाछोरा हुन् । घाइते दुवैलाई उपचारका लागि पोखरा पठाइएको र अवस्था गम्भीर रहेको प्रहरी नायब उपरिक्षक युवराज तिमिल्सिनाले जानकारी दिए ।
