Khabar Punja

पाेखरा : पोखरामा गाई काटेको आरोपमा तीन जनालाई प्रहरीले पक्राउ गरेको छ । गोठमा बाँधेको गाई चोरेर काटेको आरोपमा प्रहरीले बाग्लुङ निसीखोला –६ घर भई हाल पोखरा–१९ पुरनचौर बस्ने असारी घर्ती मगर, सबिन बुढामगर र अस्मिता बुढामगरलाई पक्राउ गरेको छ ।  

पुरुनचौरका केशर बहादुर अधिकारीले पालेको गाईको बाच्छी गोठबाट चोरेर लगेको भन्ने जानकारी पाए लगत्तै खोजतलास गर्ने क्रममा गाई काटिरहेका अवस्थामा उनीहरूलाई पक्राउ गरेको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन प्रसाद पोखरेलले बताए । 

उनका अनुसार अधिकारीको गोठ देखि २ किमी  टाढा लगेर गाई काटेको आरोपमा उनीहरूलाई प्रहरीले पक्राउ गरेको हो । पक्राउ गरेका उनीहरू उपर आवश्यक अनुसन्धान गरिरहेको प्रहरीले जनाएको छ ।