निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमाैली : तनहुँको व्यास नगरपालिका–१ भादगाउँस्थित आदिकवि भानुभक्त क्याम्पसमा प्राध्यापक डा. इश्वरचन्द्र वाग्लेले एक लाख ५१ हजार एक सय ११ को अक्षयकोष स्थापना गरेका छन् । डा. वाग्लेले आफ्ना मातापिताको नाममा क्याम्पसमा उक्त अक्षयकोष स्थापना गरेका हुन् ।
केशव पार्वती अक्षयकोषमा यसअघि नै एक लाख ११ हजार एक सय ११ सहयोग गरेका वाग्लेले मंगलबार मात्रै उक्त कोषमा थप ४० हजार सहयोग गरेका छन् । साथै उनले सहिद चन्द्र नेपाली छात्रावासका लागि खाद्यान्न खरिदका लागि पनि १० हजार सहयोग गरेका छन् । डा. वाग्लेले सोही क्याम्पसमा नेपाली विषय अध्यापन गराएर अवकाश भएका थिए ।
डा. वाग्लेले उक्त रकम मंगलबार क्याम्पस सञ्चालक समितिका उपाध्यक्ष बुद्धिमान श्रेष्ठमार्फत् क्याम्पसलाई हस्तान्तरण गरेका छन् । उक्त कोषबाट क्याम्पसमा अध्ययनरत विपन्न विद्यार्थीलाई छात्रवृत्ति प्रदान गरिनेछ ।
