निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
देवघाट : तनहुँ र चितवन जोड्ने झोलुङ्गे पुलबाट बुधबार हाम फालेर एक व्यक्ति बेपत्ता भएका छन् । चितवनको भरतपुर महानगरपालिका–१ र देवघाट गाउँपालिका–५ जोड्ने झोलुङ्गे पुलबाट हाम फालेर एक जना बेपत्ता भएको प्रहरीले जनाएको छ ।
हाम फाल्ने व्यक्तिको नाम, थर, वतन नखुलेको प्रहरीले जानकारी दिएको छ । नारायणी नदीमा हाम फालेको खबर प्राप्त हुनासाथ रबरबोट सहितको प्रहरी उद्धार टोलीले खोजतलास गरेपनि फेला पर्न नसकेको प्रहरीले जनाएको छ । सोही झोलुङ्गे पुल नजिकै वेवारिसे अवस्थामा प्रदेश ३–०२ ०१० प २८२३ नं. को मोटरसाइकल फेला परेको छ ।
