निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
दमाैली : जिल्लाको व्यास नगरपालिकामा भदौ १३ देखि विद्यालय खुलाउने तयारी गरेकाे छ । विद्यालय खुलाएर प्रत्यक्ष कक्षा सञ्चालन गर्ने मंगलबार बसेको नगरको कार्यपालिका जिल्ला कोभिड व्यवस्थापन समितिलाई सिफारिस गर्ने निर्णय गरेको हो ।
स्मार्ट लकडाउन कार्यविधि २०७८ बमोजिम भरसक अनलाईन कक्षा र अनलाइन कक्षा सञ्चालन हुन नसकेमा विद्यालय खुलेर प्रत्यक्ष विधिबाट पठपाठन सञ्चालन गर्न कोभिड व्यवस्थापन समितिलाई सिफारिस गर्ने निर्णय भएको व्यासका नगर प्रवक्ता मोहनकुमार श्रेष्ठले बताए ।
‘प्रत्यक्ष कक्षा चलाउँदा २५ जना बढी विद्यार्थी कक्षामा रहने छैनन् । स्वास्थ्यको मापदण्ड पनि पूर्ण रुपमा पालना गर्ने शर्तसहित सिफारिस गरेका छौँ,’ उनले भने । विद्यालय खुलेपनि भर्चुअल कक्षालाई समेत निरन्तरता दिईने श्रेष्ठको भनाई छ । उनले भने, ‘विद्यार्थी आलोपाले कक्षामा उपस्थित हुनेछन् । घरमा बसेका विद्यार्थीलाई अनलाइन कक्षा पनि चल्नेछ ।’ व्यासमा सामुदायिक र निजी गरेर १ सय २० विद्यालय सञ्चालनमा रहेका छन् ।
सर्वाधिकार सुरक्षित नोट : यस अनलाइनमा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘खबरपुञ्ज डटकम’बाट प्रेषित समाचार बिनाअनुमति प्रयाेग नगर्न सूचित गराइन्छ ।
