निष्पक्ष र विश्वसनीय खबरको सँगालो 
Khabar Punja
३० भाद्र २०८१, सोमबार
घिरिङ : केही दिनदेखि परेको निरन्तर झरीका कारण पहिरो जॉदा तनहुँको घिरिङ गाउँपालिका-१ अत्रौलीमा घरहरु जोखिममा परेका छन् ।
अत्रौलीस्थित पाङ्ग्राको झ्याल वरपर पहिरो गएपछि घरहरु जोखिममा परेका हुन् । टिकाराम दर्जीकौ घर पूर्व र राम वहादुर विक को घर पश्चिमतर्फ मोटरबाटो माथिको करिव एक सय मिटर भुभाग खेतीयोग्य जमिन फाटेर पहिरो गएपछि जोखिम बढेको नेकपा एमाले तनहुँका उपसचिव एवं स्थानीयवासी विष्णुभक्त सिग्देलले जानकारी दिए ।
जोखिम बढेपछि स्थानीय रीता विक, शर्मिला थापा विस्थापित अवस्थामा पुगेका छन भने टिकाराम दर्जी र राम वहादुर विक पनि जोखिम अवस्थामा छन् । वर्षाकै कारण बम वहादुर थापाको घरको पश्चिम तर्फको जग जमिनमा धसिएका कारण घर खतरापूर्ण अवस्थामा पुगेको छ।
सिग्देलले पीडित परिवारलाई तत्काल उचित राहत र आवश्यक व्यवस्थापनका लागि सम्बन्धित पक्षको ध्यानाकर्षण गरेका छन् ।
