Khabar Punja

तनहुँ : विभिन्न मुद्दामा अदालतबाट सजाय पाएका पाँच फरार प्रतिवादीलाई तनहुँ प्रहरीले पक्राउ गरेको छ । हातहतियार, जारी र कुटपिट मुद्दामा फरार रहेका पाँच प्रतिवादीलाई प्रहरीले पक्राउ गरेको हो ।

हातहतियार मुद्दामा पाँच महिना २९ दिन कैद र रु सात हजार ९ सय जरीवाना तोकिएका घिरिङ गाउँपालिका–२ का ६६ वर्षीय उमानसिंह कुमाल पक्राउ परेका छन् । जिल्ला अदालत तनहुँले निजलाई विसं २०७७ फागुन ६ गते कैद र जरीवानाको फैसला सुनाएको थियो ।

हातहतियार मुद्दामै सोही ठाउँ बस्ने ५८ वर्षीय अमनसिंह कामी पक्राउ परेका छन् । निज विरुद्ध अदालतले विसं २०७७ फागुन ६ गते दुई महिना सात दिन कैद र दुई सय क्षतिपूर्तिको फैसला सुनाएको थियो । हातहतियार मुद्दामै सोही ठाउँ बस्ने ५८ वर्षीय अमनसिंह कामी पक्राउ परेका छन् । निज विरुद्ध जिल्ला अदालतले विसं २०७७ फागुन ६ गते दुई महिना सात दिन कैद र रु तीन हजार दुई सय क्षतिपूर्तिको फैसला सुनाएको थियो ।

यसैगरी जारी मुद्दामा फरार रहेका एक जना र कुटपिट मुद्दामा फरार एक जना पक्राउ परेको प्रहरी नायब उपरिक्षक युवराज तिमिल्सिनाले जानकारी दिए । पक्राउ परेका सबैलाई सजाय भुक्तानका लागि बिहीबार अदालत दाखिला गरिएको छ ।