निष्पक्ष र विश्वसनीय खबरको सँगालो 
Khabar Punja
१६ फाल्गुन २०८१, शनिबार
तनहुँ : तनहुँका स्थानीय तहमा निर्वाचित नेकपा एमालेका १८१ जनप्रतिनिधिमध्ये १३ जनाले एमाले छाडेका छन् । उनीहरुले निर्वाचन कार्यालयमा नेकपा एकीकृत समाजवादीको पक्षमा सनाखत गरेका हुन् ।
नेकपा एसमा सनाखत गर्नेमध्ये पॉच जना वडाध्यक्ष छन् भने अन्य सबै सदस्यहरु हुन् । निर्वाचन कार्यालयमा मङ्गलबारसम्म सनाखतको समय दिएको थियो । निर्वाचन कार्यालयका प्रमुख हरिप्रसाद ढकालका अनुसार आज ऑबुखैरेनी गाउँपालिका-६ का सदस्य सन्जय गुरुङले सनाखत गरेका थिए ।
यसअघि व्यास-४ का अध्यक्ष विश्व न्यौपाने, शुक्लागण्डकी-३ का अध्यक्ष रामकुमार श्रेष्ठ, ५ का अध्यक्ष दीर्घ थापा, ७ का अध्यक्ष राम बहादुर क्षेत्री र ११ का अध्यक्ष दलबहादुर थापाले नेकपा एसमा सनाखत गरेका छन् ।
यसैगरी कार्यपालिका सदस्यहरु सानुमाया महत, रिता भुजेल, वडा नम्बर ५ का सदस्य थपबहादुर आले, वडा नम्बर ९ का सदस्य डिलबहादुर आले, वडा नम्बर ११ का सदस्य थमन आले, डोलमाया विक र व्यास-४ सदस्य मनबहादुर गुरुङले नेकपा एकीकृत समाजवादीमा सनाखत गराएका छन् ।
