निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमौली : कम्प्युटर एसोसिएसन नेपाल महासङ्घ (क्यान) व्यास नगरपालिका-१० बैरेनीस्थित उज्यालो घर बालगृहलाई कम्प्युटर सेट हस्तान्तरण गरेको छ । अन्तराष्ट्रिय साक्षरता दिवसको अवसरमा क्यानले उज्यालो घरलाई बुधबार एक थान कम्प्युटर सेट हस्तान्तरण गरेको हो।
व्यास-१० का वडाध्यक्ष तुलसीराम सापकोटाले सूचना र प्रविधिको अत्यन्त महत्व रहेको बताउँदै क्यानको कामको सराहना गरे । उनले अब उज्यालो घरका बालबालिकाले कम्प्युटर सिक्न पाउने बताए ।
क्यान महासङ्घका गण्डकी प्रदेश अध्यक्ष तुल्सीराम पाण्डेले यस्तो सहयोगले संस्थालाई समाजप्रति अझ उत्तरदायी बनाउने बताए । क्यानका अध्यक्ष टिकाराम पनेरुले बालघरका बालबालिकालाई सूचना प्रविधिको पहुँचमा ल्याउन कम्प्युटर सहयोग गरिएको जानकारी दिए ।
बालघरका अध्यक्ष दिपक न्यौपानेले सहयोगप्रति आभार व्यक्त गर्दै भविष्यमा पनि सहयोगको अपेक्षा गरे । कार्यक्रममा क्यानका उपाध्यक्ष विश्वप्रकाश भुषाल, सदस्य मिनबहादुर कुंवर लगायतले मन्तव्य राखेका थिए ।
