निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
देवघाट : बागमती प्रदेशकी मुख्यमन्त्री अष्टलक्ष्मी शाक्यले प्रसिद्ध धार्मिकस्थल देवघाटको मंगलबार निरीक्षण गरेकी छन् ।
चितवनमा आयोजित कार्यक्रममा सहभागी हुन आएकी मुख्यमन्त्री शाक्यले तनहुँको देवघाटधामको निरीक्षण गरेकी हुन् ।
सोक्रममा मुख्यमन्त्री शाक्यले देवघाटधामको विकासका लागि प्रदेश सरकार प्रतिबद्ध रहेको बताइन् । देवघाट हिन्दु धर्मावलम्बीको आस्थाको केन्द्र रहेकाले यहाँ पूर्वाधार निर्माणका लागि प्रदेश सरकारले सहयोग गर्ने शाक्यले प्रतिबद्धता जनाइन् ।
कार्यक्रममा देवघाट क्षेत्र विकास समितिका अध्यक्ष बद्री अधिकारीले देवघाटधामको अवस्थाका बारेमा मुख्यमन्त्री शाक्यलाई जानकारी गराउँदै विकासका लागि बजेट विनियोजन गरिदिन आग्रह गरे । निरीक्षणमा बागमती प्रदेशका सामाजिक विकास मन्त्री विजय सुवेदीको समेत सहभागी थिए ।
तनहुँ, चितवन र नवलपुरको सङ्गमस्थलमा अवस्थित देवघाटधाममा विभिन्न योजना सञ्चालनका लागि बागमती र गण्डकी प्रदेश सरकारले सहयोग गर्दै आइरहेको छ ।
