निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
देवघाट : तनहुँको देवघाट गाउँपालिका-५ पिपलटारमा देवघाट युवा जागरण समाजद्वारा आयोजित खुल्ला नकआउट सेभेन ए साइड फुटबल प्रतियोगिताको उपाधि दासढुङ्गा फुटबल क्लब जितेको छ।
मङ्गलबार फाइनलमा जुगेडी क्लवलाई पराजित गर्दे दासढुङ्गाले उपाधि जितेको हो। निर्धारित समयमा दुवै टिमबाट एक/एक गोल भएपछि खेल ट्राइबेकरमा धकेलिएको थियो । ट्राइबेकरमा दासढुङ्गा ४-३ ले विजयी भएको छ ।
उपाधिसँगै दासढुङ्गाले नगद ४१ हजार एक सय र ट्रफी जितेको छ भने उपविजेता जुगेडीले नगद २१ हजार एक सय प्राप्त गरेको छ । विजेतालाई देवघाटका अध्यक्ष दुर्गबहादुर थापाले पुरस्कार वितरण गरेका थिए ।
प्रतियोगितामा ५० टिमको सहभागिता रहेको कार्यक्रम संयोजक गोपी आछामी मगरले जानकारी दिए ।
