निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
मुस्ताङ : हिमालपारीको जिल्ला मुस्ताङमा रहेको प्रसिद्ध धार्मिकस्थलमुक्तिनाथ मन्दिर पाँच महिनापछि भक्तजनका लागि खुल्ला गरिने भएको छ ।
मुक्तिनाथ र कागवेनीमा सोह्र श्राद्धमा पुग्ने भक्तजनको सुबिधालाई ख्यालमा राखेर असोज १० गतेदेखि सर्वसाधारणका लागि खुला गरिन लागेको हो । प्रमुख जिल्ला अधिकारी श्रीनाथ पौडेलको अध्यक्षतामा मंगलबार बसेको कोभिड–१९ संकट व्यवस्थापन समितिको बैठकले संक्रमण दर कम रहेको भन्दै दर्शनका लागि मन्दिर खुला गर्ने निर्णय गरेको छ ।
कोरोना महामारीका कारण गएको बैशाखदेखि मुक्तिनाथ मन्दिरमा नित्य पूजाबाहेक सर्वसाधारणका लागि दर्शन तथा पूजाआजामा रोक लगाइएको थियो। हिन्दु धर्मालम्बीहरुका लागि सोह्रश्राद्धमा मुक्तिनाथ र कागवेनीमा पुगेर स्नान तथा तर्पण गर्ने कुरालाई पुण्य मानिने भएकाले मन्दिर सर्वसाधारणका लागि खुला गर्ने निर्णय भएको मुस्ताङका प्रमुख जिल्ला अधिकारी श्रीनाथ पौडेलले बताउनुभयो ।
जिल्ला प्रशासन कार्यालयको आदेश अनुसार आसोज १० गतेदेखि मन्दिर सबैका लागि खुला हुने मुक्तिनाथ विकास समितिले जनाएको छ । बैठकले कोरोना परीक्षण गरेको पिसीआर रिपोर्ट वा एन्टिजिन रिपोर्टका आधारमा मात्रै जिल्ला प्रबेश गर्न पाउने व्यवस्था गरेको छ । पिसीआर गरेको ७ दिन र एन्टिजिन गरेको ७२ घण्टा भीत्रको रिपोर्टका आधारमा मात्रै जिल्ला प्रबेश दिईने निर्णय भएको छ । कोरोना खोप लगाएका व्यक्तिहरुले सहज प्रबेश पाउनेछन् ।मुक्तिनाथ मन्दिर झन्डै समुद्री सतहबाट ३ हजार ८ सय मिटरको उचाइमा अवस्थित छ ।
यसैगरी हिन्दुधर्मालम्बीले पृतिस्मरण गर्ने सोह्रश्राद्ध सुरु भएसँगै हिन्दु र बौद्ध धर्मावलम्बीहरुको साझा तीर्थस्थल मुस्ताङको कागबेनीमा पितृलाई तर्पण र पिण्डदानसहित श्राद्ध गर्न भक्तजनहरु पुग्न थालेका छन्।
