Khabar Punja

दमाैली : विभिन्न मुद्दामा अदालतबाट सजाय पाएका आठ फरार प्रतिवादीलाई तनहुँ प्रहरीले पक्राउ गरेको छ । फरार प्रतिवादी पक्राउ गर्ने अभियान अन्तर्गत प्रहरीले विभिन्न मुद्दामा सजाय पाएका आठ जनालाई दमौलीका बजारका विभिन्न स्थानबाट पक्राउ गरेको हो ।

पक्राउ पर्नेमा सार्वजनिक मुद्दाका तीन जना र कर्तव्य ज्यान मुद्दाका पाँच जना रहेको जिल्ला प्रहरी कार्यालय तनहुँले जनाएको छ । पक्राउ परेका सबैलाई जिल्ला अदालत उपस्थित गराइएको छ ।

विभिन्न अपराध एवं मुद्दाहरुमा संलग्न रही फरार रहेका तथा सम्मानित अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तीहरुको खोजीकार्यलाई तीव्र पारिएको प्रहरीले जनाएको छ ।