निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमौली : नेपाली काङ्ग्रेस व्यास नगर समितिको सभापतिमा सूर्यचन्द्र हड्खले निर्वाचित भएका छन् । शनिबार राति सार्वजनिक मत परिणाम अनुसार नगर सभापतिमा हड्खले निर्वाचित भएका हुन् ।
हड्खलेले २८२ मत प्राप्त गरेका छन् भने प्रतिस्पर्धी डम्बर बहादुर अधिकारीले एक सय ४१ मत प्राप्त गरेका छन् । चार सय ४३ मतदाता रहेकामा चार सय ३४ मत खसेको थियो ।
उपसभापतिमा क्या. सुर्जकुमार मल्ल र शोभा बढु अधिकारी निर्वाचित भएका छन् । मल्लले दुई सय ९४ र अधिकारीले तीन सय ३० मत प्राप्त गरेका छन् ।
सचिवमा खेमराज पोखरेल र सुरेश पुरी निर्वाचित भएका छन् । पोखेरलले दुई सय ८१ र पुरीले दुई सय ८९ मत प्राप्त गरेका छन् ।
सहसचिव पदमा भने किशोरराज खनाल र मनबहादुर रुचाल निर्विरोध निर्वाचित भएका छन् । त्यसैगरी कार्य समिति पदमा पनि सर्वसम्मत भएको छ ।
