उस्मानको स्मृतिमा ‘उस्मान फाउण्डेशन’ गठन
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
    • Khabarpunja
    • तनहुँ विशेष

    उस्मानको स्मृतिमा ‘उस्मान फाउण्डेशन’ गठन

    खबरपुञ्ज संवाददाता

    ९ आश्विन २०७८, आईतवार

    दमौली : स्पाइनल मस्कुलर एट्रोफी रोगबाट मृत्यु भएका ९ महिने बालक उस्मान अलीको स्मृतिमा ‘उस्मान अली फाउण्डेशन’ गठन भएको छ ।भदौ २५ गते काठमाडौमा निधन भएका उस्मानको स्मृतिमा उनको परिवारले फाउण्डेशन गठन गरेको हो ।

    शुक्लागण्डकी नगरपालिका-५ निवासी उस्मानको उपचारका लागि देश तथा विदेशबाट सहयोग जुट्ने क्रम जारी रहेको थियो । उस्मानका बुबा मुबारक अलीले समाज कल्याण परिषद्बबाट फाउण्डेशन दर्ता गरिएको जानकारी दिए ।

    उस्मानको उपचारका लागि ५६ लाख ६३ हजार ६ सय पॉच सङ्कलन भएको छ । उक्त रकम सोही फाउण्डेशनमा जम्मा गरिएको छ । “उस्मानको सहयोगका लागि सङ्कलन भएका रकम पनि सोही कोषमा जम्मा गरिदिन आग्रह गर्दछु,” मुबारक अलीले भने, “छिट्टै फाउण्डेशन सञ्चालनमा ल्याएर काम गर्नेछौ ।”

    फाउण्डेशनबाट अशक्त र उपचारमा कठिनाई परेका व्यक्तिहरुलाई सहयोग गरिनेछ । “आर्थिक अभावमा उपचारबाट वन्चित हुन नपरोस् भन्नका लागि त्यस्ता व्यक्तिलाई फाउण्डेशनबाट सहयोग गर्नेछौ,” उनले भने ।
    Account name-USMAN FOUNDATION NEPAL
    Account number-17200174CA
    Bank Name-Prime Commercial Bank LTD
    Branch-Dulegaunda

    खबरपुञ्ज मिडिया हाउस प्रा. लि.

    सम्बन्धित शीर्षकहरु

    ऋषिङका १५ वर्षीय बालककाे शव कालीगण्डकी नदी किनारमा भेटियाे
    दोस्रो मंगलबार थानीमाईमा भित्रिएन फूलको डोली
    पुस २५ देखि तनहुँ कृषि, पर्यटन वस्तु तथा प्रविधि महोत्सव हुने
    सचिनको स्मृतिमा शनिबार दमौलीमा रक्तदान हुने
    मुग्लिन–पोखरा सडकः पूर्वी खण्डको म्याद दोस्रोपटक थपियो
    युवा अभियान्ता गफ्फारद्वारा भंगेरी विद्यालयका २५ विद्यार्थीलाई स्वीटर वितरण