निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमाैली : विभिन्न मुद्दामा सजाय पाएका छ जना फरार प्रतिवादीलाई तनहुँ प्रहरीले पक्राउ गरेको छ । जिल्ला अदालतबाट सजाय तोकिएर फरार रहेका प्रतिवादीलाई प्रहरीले पक्राउ गरेको हो ।
लागुऔषध मुद्दामा फरार रहेका शुक्लागण्डकी नगरपालिका–५ का २२ वर्षीय विशाल भन्ने ओमप्रकाश गुरुङ पक्राउ परेका छन् । निजलाई जिल्ला अदालतले विसं २०७५ पुस १९ गते दुई महिना कैद र रु दुई हजार जरीवानाको फैसला सुनाएको थियो । निजलाई तीन वर्षपछि पक्राउ गरिएको प्रहरी नायब उपरिक्षक युवराज तिमिल्सिनाले जानकारी दिए।
यसैगरी सार्वजनिक अपराध मुद्दामा फरार रहेका तीन र सम्बन्ध विच्छेद मुद्दामा फरार रहेका दुई जनालाई पक्राउ गरिएको छ । पक्राउ परेकाहरुलाई आवश्यक कारवाहीका लागि आइतबार अदालत उपस्थित गराइएको छ ।
प्रहरीले विभिन्न अपराध एवं मुद्दाहरुमा संलग्न रही फरार रहेका तथा अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तिको खोजीकार्यलाई अगाडी बढाउँदै आएको छ ।
