निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमौली : व्यास नगरपालिका-४ स्थित बागभन्ज्याङदेखि भोर्लेटार चेकसम्मको सडकमा ठूला सवारी साधन प्रवेश निषेध गरिएको छ । सवारी चापको व्यवस्थापन र दुर्घटना न्यूनीकरणका लागि उक्त सडकमा ठूला सवारी एकतर्फी प्रवेश निषेध गरिएको हो ।
व्यास नगरपालिकाको कार्यालय र सरोकारवाला निकायको उपस्थितिमा भएको निर्णय बमोजिम सोमबारबाट उक्त नियम लागू गरिएको ट्राफिक प्रहरी कार्यालय तनहुँले जनाएको छ ।
बागभन्ज्याङदेखि भोर्लेटारचोकसम्म आउन अब ठूला सवारी साधनले वैकल्पिक सडक प्रयोग गर्नुपर्नेछ । त्यसका लागि सिमलटारबाट पृथ्वीराजमार्ग निस्केर गल्वुवेशीचोक हुँदै भोर्लेटारचोक आउनुपर्ने कार्यालयले जनाएको छ ।
