निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली : तनहुँको दमौली निवासी रविन्द्रलाल मूलले नेपाल इन्जिनियर्स एशोसिएसनको ३३औँ कार्यकारिणी समितिको निर्वाचनमा केन्द्रीय सदस्य पदमा उम्मेदवारी दिएका छन् ।
आगामी कात्तिक १३ गते हुने समितिको निर्वाचनमा व्यास नगरपालिकाका वरिष्ठ इन्जिनियर मूलले लोकतान्त्रिक समूहबाट उम्मेदवारी दिएका हुन । एशोसिएसनको २५ सदस्यीय कार्यसमिति अन्तर्गत उनले गण्डकी प्रदेशबाट केन्द्रीय सदस्यका लागि उम्मेदवारी दिएका हुन् ।
इन्जिनियरहरुको बीचमा भएको विभेदलाई अन्त्य गर्न, इन्जिनियर पेशालाई मर्यादित, विश्वसनीय र वैज्ञानिक बनाउनका लागि आफूले उम्मेदवारी दिएको मूलले बताए ।
एशोसिएसनको विधान अनुसार २५ सदस्यीय कार्यसमिति मध्ये पदाधिकारी सहित १८ जना लाई देशभरका इन्जिनियर मतदाताले चुन्नेछन् भने ७ सदस्यलाई प्रत्येक प्रदेशबाट एक÷एक जनाका दरले ७ प्रदेशबाट प्रदेश सदस्य मतदाताले चुन्नेछन् । यस्तै इन्जिनियरिङ परिषदका ५ सदस्य पदका लागी पनि निर्वाचन हुनेछ ।
एशोसिएसनको हाल ३३औँ कार्यकारिणी समिति निवार्चन हुने भएको हो भने प्रदेश तहको भने दोस्रो पटक निर्वाचन हुन लागेको हो । गत वैशाख २४ गते निर्धारण गरिएको नेपाल इन्जिनियर्स एशोसिएसनको निर्वाचन कोभिड संक्रमणको जोखिमका कारण स्थगित गरिएकोमा आगामी कात्तिक १३ गते तय गरिएको हो ।
