निष्पक्ष र विश्वसनीय खबरको सँगालो 
Khabar Punja
३ पुष २०८१, बिहीबार
दुलेगौँडा : यहाँको एक सामुदायिक वनले आफ्नै भवन निर्माण गर्दै कार्यालय सञ्चालनमा ल्याएको छ । शुक्लागण्डकी नगरपालिका–३ कवासेस्थित रिपाको पाखा सामुदायिक वनले भवन निर्माण गरेर कार्यालय सञ्चाल गरेको हो ।
उपभोक्ता समितिले वनबाट प्राप्त भएको आम्दानिमार्फत भवन निर्माण गरेको सचिव दिपेन्द्र रिमालले बताए । नौ लाख रुपैयाँको लागतमा शौचालय सहितको भवन निर्माण गरिएको उनले जानकारी दिए । भवनको उद्घाटन गरेर सञ्चालनमा ल्याएको उनले बताए । ‘गत बर्ष र्निमाण सम्पन्न गरेका थियौँ । कोरोनाका कारण उद्घाटन भएको थिएन्’, उनले सुनाए ।
कार्यालय भवनको डिभिजन वन कार्यालय तनहुँका प्रमुख कोमलराज काफ्लेले उद्घाटन गरे । उनले मानव जिवनका लागि वनजंगल वातावरण जोगाउन आवश्यक रहेको बताए । ‘वन र वन्यजन्तु सबैको साझा सम्पत्ति हो । संरक्षणमा सबैले चासो दिनुपर्छ’, उनले भने ।
डिभिजन वन कार्यालयका तनहुँका सहायक वन अधिकृत कासिराज पण्डितले नवनिर्मित भवनलाई सामुहिक छलफल गर्ने थलोको रुपमा बिकास गर्न आग्रह गरे ।
