निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
काठमाडाै । तनहुँ भानु नगरपालिका स्थायी घर भएका गोविन्द परियारलाई प्रधानमन्त्री शेरबहादुर देउवाले आफ्नो प्रेस सल्लाहकार नियुक्ति गरेका छन् । परियारले अन्नपूर्ण पोस्ट, नागरिक, समय लगायत पत्रिकामा गरी २ दसक पत्रकारिता गरेका छन् । पछिल्लो समय उनी काठमाडुप्रेस डटकमको सम्पादक थिए ।
यसअघि प्रधानमन्त्री रहँदा नै देउवाको प्रेस संयोजकका रुपमा कार्यकाल सम्हालेका परियार देउवा पदमा नरहँदा पनि प्रेस सल्लाहकारकै रुपमा सक्रिय थिए । उनलाई हालै माघ १ गतेबाट लागु हुने गरी प्रधानमन्त्रीले नियुक्ति दिएका हुन् । प्रधानमन्त्रीको प्रेस सल्लाहकारमा नियुक्त भएपछि परियारले आफूलाई प्रधानमन्त्रीको नजिक रहेर काम गर्ने मौका मिलेको र प्रतिबद्ध भएर मिडियासम्बन्धी विषयमा प्रधानमन्त्री र उनको टिमलाई सहयोग गर्ने बताए ।
