निष्पक्ष र विश्वसनीय खबरको सँगालो 
Khabar Punja
३ मंसिर २०८१, मंगलवार
दमौली । नेपाली कांग्रेसका नेता गोविन्दराज जोशीले व्यास नगरपालिकाले इज्जत र प्रतिष्ठा गुमाएको बताएका छन् । नेकपा एमाले र जोशी समूहको व्यास नगरपालिका-२ मा स्थापना गरिएको चुनावी कार्यालयको सोमबार उद्घाटन गर्दै जोशीले पॉच वर्षको अवधिमा व्यासले इज्जत कमाउने केही काम गर्न नसकेको आरोप लगाए ।
गुमेको इज्जत र प्रतिष्ठा फर्काउनका लागि दीपकराज जोशी नेतृत्वमा उम्मेदवार चुनावमा होमिएको उनले बताए । व्यास नपामा दीपकराज जोशी नेतृत्वका उम्मेदवारको जित निश्चित भइसकेको भन्दै उनले भने, ‘जित सुनिश्चित भइसकेको छ, घोषणा मात्र हुन बॉकी छ ।’
नेपाली कांग्रेसका नेताहरुको अभिव्यक्ति सुन्दा उनीहरुले हार स्वीकार गरिसकेको जोशीले बताए ।
कांग्रेसले देशभर अप्राकृतिक गठबन्धन गरेको भन्दै जोशीले कांग्रेस कार्यकर्ताले रुखमा भोट हाल्छु भन्दा कारवाही गरिएको बताए ।
कार्यक्रममा नेकपा एमाले तनहुँका सचिव राजेश्वर ढकालले व्यासमा यो पटक नेतृत्व परिवर्तन हुने दावी गरे ।
