निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
आँबुखैरेनी । तनहुँको आँबुखैरेनी गाउँपालिका–२ मा नेकपा माओवादी केन्द्रले प्यानल सहित जित हासिल पारेको छ । वडा नम्बर २ को अध्यक्षमा माओवादी केन्द्रका आशबहादुर गुरुङ विजयी भएका छन्।
उनले छ सय ६७ मत प्राप्त गरेका छन्। २९ वर्षीय गुरुङ तनहुँमा हालसम्म सार्वजनिक मतपरिणाम अनुसार सबैभन्दा कान्छा वडाध्यक्ष बनेका छन् । प्रतिस्पर्धी नेपाली काङ्ग्रेसका सरोज पन्तले चार सय ३५ मत प्राप्त गरेका छन् ।
महिला सदस्यमा माओवादी केन्द्रका टङ्ककुमारी सिंजाली मगरले सात सय तीन, दलित महिला सदस्यमा सम्झना सुनारले सात सय ११, खुल्ला सदस्यमा कमलबहादुर मगरले छ सय ५८ र बासुदेव थापाले छ सय ५५ मत प्राप्त गरी विजयी भएका छन् ।
आँबुखैरेनी गाउँपालिकाको अध्यक्ष र उपाध्यक्षमा पनि नेकपा माओवादी केन्द्रले अग्रता लिइरहेको छ । अध्यक्षका उम्मेदवार शुक्र चुमानले एक हजार आठ सय ४९ मत प्राप्त गरेका छन् । उपाध्यक्षका उम्मेदवार दुर्गा अर्यालले एक हजार तीन सय ८३ मत प्राप्त गरेका छन ।
नेपाली काङ्ग्रेसका अध्यक्ष उम्मेदवार गिरबहादुर थापाले सात सय ११ र उपाध्यक्ष उम्मेदवार पवित्रा गौलीले सात सय २० मत प्राप्त गरेका छन् । नेकपा एमालेका अध्यक्ष उम्मेदवार ऋषि केसीले पाँच सय ३२ र उपाध्यक्ष उम्मेदवार मिना केसीले आठ सय २५ मत प्राप्त गरे ।
आँबुखैरेनी गाउँपालिका–१ मा पनि नेकपा माओवादी केन्द्रले प्यानल सहित जित हासिल गरिसकेको छ ।
