निष्पक्ष र विश्वसनीय खबरको सँगालो 
Khabar Punja
९ माघ २०८१, बिहीबार
दुलेगाैडा । शुक्लागण्डकी नगरपालिका–३ मा कांग्रेसले जित निकालेको छ । अघिल्लो निर्वाचनमा यहाँ वडाध्यक्ष सहित चार जना वडा सदस्य नेकपा एमालेबाट विजयी भएका थिए । यसपालिका कांग्रेसको प्यानल नै विजयी भएको हो ।
कांग्रेसका सचिन भुजेल ३२५ मतको अन्तरले विजयी भएका छन् । उनले ८०५ मत प्राप्त गर्दै वडाध्यक्षमा निर्वाचित भए । उनका निकटम प्रतिद्धन्दी नेकपा एमालेका राजन रिमालले ४८० र माओवादी केन्द्रका कमलबहादुर थापाले १९८ मत प्राप्त गरेका छन् । वडामा एक हजार ७०६ मत खसेको थियो ।
खुल्ला वडा सदस्य विजय श्रेष्ठले ६२९, केशरबहादुर थापा मगरले ७०५, खुला महिला वडा सदस्यमा उमादेवी सुवेदी ७१२ र दलित महिला वडा सदस्यमा लक्ष्मी सुनारले ७०७ मत ल्याएर विजयी भएका छन् । कांग्रेसले विजयी जुलुस निकाल्दैछ । शुक्लागण्डकी–१ र ४ मा पनि कांग्रेसको प्यानलै विजयी भएको छ ।
