निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
म्याग्दे । सामुदायिक वन दिवसको अवसरमा तनहुँको म्याग्दे गाउँपालिका–२ ज्यानटाङ पधेंरा खोला सामुदायिक वनमा बुधबार वृक्षारोपण गरिएको छ । सामुदायिक वनभित्र निर्माण गरिएको हरितपार्कभित्र विभिन्न प्रजातिका दुई सय बिरुवा रोपिएको हो ।
हरित पार्कलाई हरियाली बनाउन विभिन्न प्रजातिका बिरुवा रोपिएको डिभिजन वन कार्यालय तनहुँले जनाएको छ । समन्वय समितिका प्रमुख शान्तिरमण वाग्ले, म्याग्दे गाउँपालिकाका अध्यक्ष श्रीप्रसाद श्रेष्ठ, उपाध्यक्ष बालकृष्ण घिमिरे, डिभिजन वनका प्रमुख कोमलराज काफ्ले सहित कर्मचारी र सामुदायिक वनका उपभोक्ताहरुले सो अवसरमा बिरुवा रोपेका थिए ।
कार्यक्रममा समन्वय समितिका प्रमुख वाग्लेले सामुदायिक वनले नेपालको प्रख्याती विश्वमाझ कमाएको चर्चा गर्दै त्यतिले मात्र सन्तुष्ट हुने अवस्था नरहेको बताए। वाग्लेले सामुदायिक वनबाट आम्दानीको स्रोत वृद्धि गर्नुपर्नेमा सुझाव दिए। वनलाई समृद्धिसँग जोड्नुपर्ने बताउँदै वाग्लेले सामुदायिक वनमा स्थानीयको संरक्षण सराहनीय रहेको बताए ।
म्याग्दे गाउँपालिकाका अध्यक्ष श्रेष्ठले वनलाई आम्दानीको स्रोत बनाउनेतर्फ ध्यान दिन आग्रह गरे । उनले वनबाट वन समूहका उपभोक्ताको आयस्तर वृद्धिगर्र्ने तर्फ लाग्न सुझाव दिए ।
म्याग्दे गाउँपालिकाका उपाध्यक्ष घिमिरेले सामुदायिक वन जोगाउन स्थानीयको अपनत्व जागृत गराउनुपर्ने बताए।
डिभिजन वन प्रमुख काफ्लेले नेपालको वन व्यवस्थापन विश्वकै उत्कृष्ट रहेको र वन संरक्षणमा स्थानीयको योगदान रहँदै आएको बताए। वनलाई समृद्धिसँग जोडेर आयआर्जन गर्नेतर्फ लाग्नुपर्ने बेला आएको उनले बताए ।
