निष्पक्ष र विश्वसनीय खबरको सँगालो 
Khabar Punja
२४ माघ २०८१, शुक्रबार
दमौली । तनहुँको आँबुखैरेनी गाउँपालिका–४ बेनीटारस्थित राजमार्गमा यात्रुवाहक बसबाट लागुऔषध सहित बुधबार एक जना पक्राउ परेका छन् । पक्राउ पर्नेमा चितवनको कालिका नगरपालिका–४ बस्ने २० वर्षीय राजेश गुरुङ रहेको जिल्ला प्रहरी कार्यालय तनहुँले जनाएको छ ।
चितवनबाट पोखरातर्फ आउँदै गरेको ग १ ख २९५५ नम्बरको माइक्रोबसमा सवार गुरुङलाई अवैध लागुऔषध सहित पक्राउ गरिएको प्रहरी नायब उपरिक्षक युवराज खड्काले जानकारी दिए ।
अस्थायी प्रहरी पोष्ट पुलजीपबाट खटिएको प्रहरी टोलीले शङ्का लागी माइक्रो बस रोकेर चेकजाँच गर्दा गुरुङको साथमा रहेको झोलाबाट लागुऔषध बरामद भएको प्रहरीले जनाएको छ ।
प्रहरीका अनुसार डाईजोपाम १५ एम्पुल, फेनरागन ६ एम्पुल, नुर्फिन ७ एम्पुल गरी जम्मा २८ एम्पुल र नाईट्रोभेटको चक्की ९० ट्याप्लेट बरामद गरिएको छ ।
