निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमौली । विजयादशमीको अवसरमा तनहुँको व्यास नगरपालिका-५ चापाघाटस्थित कालीभञ्जन गण (इ) को आयोजनामा शुक्रबार सांस्कृतिक कार्यक्रम गरिएको छ ।
हरेक वर्षझैं गणले यो वर्षको दशैंको अवसरमा पनि सांस्कृतिक कार्यक्रम आयोजना गरेको हो ।
सो अवसरमा गणका कार्यरत नेपाली सेनाका सिपाहीहरुले नृत्य, एकल गायन लगायतका प्रस्तुती प्रदर्शन गरेका छन् ।
साथै तेक्वान्दोको कला समेत सोही अवसरमा प्रदर्शन गरिएको थियो ।
कार्यक्रममा सहभागीका बीचमा आयोजना गरिएको म्युजिकल चियरमा सविना नेपाली प्रथम, चन्द्रकला घिमिरे द्वितीय र अम्बिका सुवेदी तृतीय भएका थिए ।
उनीहरुलाई श्री नम्बर ३ बाहिनीका बाहिनीपति सहायकरथी प्रेम पुन, प्रमुख जिल्ला अधिकारी विश्वप्रकाश अर्याल, गणका गणपति प्रमुख सेनानी रामज्योति बोहोरा लगायतले पुरस्कार वितरण गरेका थिए।
