निष्पक्ष र विश्वसनीय खबरको सँगालो 
Khabar Punja
१९ बैशाख २०८१, बुधबार
दमौली । नाबालिक जबरजस्ती करणी अभियोगमा नायक पल शाहले तनहुँ अदालतबाट सफाई पाउँदा गायक सुनिल गिरीले खु़शी व्यक्त गरेका छन् । तनहुँ अदालतले नायक शाहलाई मंगलबार सफाई दिने फैसला सुनाएको थियो ।
एक वर्षदेखि तनहुँ कारागारमा रहेका शाहलाई जबरजस्ती करणीको अभियोगमा सफाई दिने फैसला सुनाएसँगै गायक गिरीले भनेका छन्, ‘तिम्रो लागि खुशी छु । धन्यवाद जिल्ला अदालत तनहुँ यो न्यायका लागि ।’
शाहले गिरीको चर्चित गीत को होला त्यो मा अभिनय गरेका छन् ।
नायक शाह विरुद्ध सोही प्रकृतिको मुद्धामा नवलपुर अदालतले भने दुई वर्ष ६ महिना कैदको फैसला सुनाएको छ । तनहुँ अदालतले सफाई दिएपनि नवलपुरको फैसला भुक्तान गर्नुपर्ने भएकाले शाह थुनामै रहनेछन् ।
