निष्पक्ष र विश्वसनीय खबरको सँगालो 
Khabar Punja
२९ बैशाख २०८१, शनिबार
पोखरा । लोमान्थाङ गाउँपालिका मुस्ताङद्घारा आयोजित १ हप्ते उद्घोषण तालिमको आइतवार समापन गरीएको छ । लोमान्थाङका महिलाहरु तथा महिला जनप्रतिनिधीहरुलाई उद्घोषण शिक्षा दिन र नेतृत्व विकासका लागि तालिमको आयोजना गरीएको लोमान्थाङ गाउँपालिकाकी उपाध्यक्ष छ्युमी विष्ट गुरुङले जानकारी दिईन ।
समापन कार्यक्रममा बोल्दै प्रमुख अतिथी लोमान्थाङ गाउँपालिकाका अध्यक्ष टसि न्हर्वु गुरुङले तालिममा सिकेका कुरालाई व्यवहारमा उर्तान अनुरोध गरे साथै उनले लोमान्थाङका महिलाहरुको लागि यो तालिम निकै प्रभावकारी भएको बताए ।
विशेष अतिथी लोमान्थाङ गाउँपालिकाका प्रमुख प्रशासकीय अधिकृत बुद्घिराम उपाध्यायले महिलाहरुको शसक्तिकरणका लागि यो तालिम निकै उपयोगी भएकाले आगामी दिनमा पनि निरन्तरता दिने बताए ।
लोमान्थाङ गाउँपालिकाकी उपाध्यक्ष छ्यूमी विष्ट गुरुङको अध्यक्षतामा भएको तालिममा प्रशिक्षार्थीहरुले पनि आफ्ना अनुभव र सिकाई बारे मन्तव्य राखेका थिए ।
सञ्चारकर्मीहरु गोविन्द थापा सिञ्जाली र सुस्मा पौडेलले सहजीकरण गरेको तालिमको समापन समारोह लोमान्थाङ गाउँपालिकाकी उपाध्यक्ष छ्यूमी विष्ट गुरुङको अध्यक्षतामा सम्पन्न भएको थियो ।
यसैबीच एक समारोहका बीच लोमान्थाङ गाउँपालिकाले दिव्यदिप मा. वि लोमान्थाङबाट एस.ई.ई परीक्षा उत्तीण गरी उच्च शिक्षा अध्ययरत १६ जना विद्याथीहरुलाई रु. ५० हजारका दरले छात्रवृति समेत प्रदान गरिएको छ ।
