निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
बारा । बारा-४ का प्रतिनिधिसभा सदस्य कृष्णकुमार श्रेष्ठ किसानले जितपुरस्थि सिटी मार्केटका आगलागी पीडित व्यवसायीलाई सहयाेग गरेका छन् । श्रेष्ठले आफूले पाउने तलबबापतकाे रु ५१ हजार आगलागी पीडितलाई सहयाेग गरेका हुन् ।
केही समय अगाडी मार्केटमा आगलागी हुँदा सांसद श्रेष्ठले आफूले सहयाेग गर्ने प्रतिबद्धता बमाेजिम आइतबार उक्त रकमकाे चेक नगर उद्याेग वाणिज्य संघका अध्यक्ष माेहन शर्मालाई हस्तान्तरण गरेका छन् ।
आइतबार बारामा आयाेजित एक कार्यक्रममा पूर्वमन्त्री समेत रहेका सांसद श्रेष्ठले उक्त रकम सहयाेग गरेका हुन् ।
२०७४ काे निर्वाचनमा तनहुँ-१ बाट निर्वाचित भएका श्रेष्ठले उक्त कार्यकालभरी आफूले प्राप्त गर्ने तलबभत्ता जिल्लाकै सङ्घसंस्था एवं पीडितलाई सहयाेग गर्दै आएका थिए ।
