निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । नेपाल शिक्षक संघ तनहुँको निर्वाचनमा अध्यक्षका लागि पॉच जनाबीच प्रतिस्पर्धा हुने भएको छ । उम्मेदवारी फिर्ता लिने अन्तिम समय सोमबार तीन बजेसम्म एक जनाको उम्मेदवारी फिर्ता भएसँगै अध्यक्षमा पॉच जनाको प्रतिस्पर्धा पक्का भएको हो ।
अध्यक्षमा उम्मेदवारी दिएकी रसामाया गुरुङको उम्मेदवारी फिर्ता भएको छ । अध्यक्षका लागि रमेशबाबु भट्टराई, भरत काफ्ले, ज्ञानेन्द्र न्यौपाने, उपेन्द्र विष्ट र चन्द्रमणि कोइरालाको उम्मेदवारी कायम छ ।
उपाध्यक्षका लागि शिव पन्थ र अशोकचन्द्र वाग्ले, महिला उपाध्यक्षका लागि लक्ष्मी मल्ल र शान्ता बास्तोलाबीच प्रतिस्पर्धा हुने भएको छ ।
सचिव खुल्लामा नरेन्द्र न्यौपाने सर्वसम्मत भएका छन् । सचिवमा उम्मेदवारी दिएका दीपक न्यौपानेले उम्मेदवारी फिर्ता लिएका छन् ।
सचिव अर्थमा राजु ढकाल र कृष्णप्रसाद तिवारीबीच प्रतिस्पर्धा हुने भएको छ ।
सहसचिव खुल्लामा खेमराज रेग्मी, गोविन्द खड्का, दयाराज कट्टेल र विजयराज खनालबीच प्रतिस्पर्धा हुने भएको छ ।
सहसचिव महिलामा शारदा अधिकारी सर्वसम्मत भएकी छन् । सहसचिव अर्थमा रिसीमाया राना मगर सर्वसम्मत भएकी छन् ।
सहसचिव समावेशीमा तुलबहादुर गुरुङ, नन्द बहादुर थापा, महेन्द्रकुमार श्रेष्ठ, विष्णुप्रसाद श्रेष्ठबीच प्रतिस्पर्धा हुने भएको छ ।
नयॉ नेतृत्व चयनका लागि फागुन २४ गते मतदान हुनेछ ।
