निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमाैली । तनहुँको ऋषिङ गाउँपालिका–१ धारापानीमा भिरबाट लडेर आज एक पुरुष घाइते भएका छन् ।
घाइते हुनेमा सोही वडाको बोझाडी बस्ने ५० वर्षीय पदमबहादुर थापा रहेको जिल्ला प्रहरी कार्यालय तनहुँले जनाएको छ ।
दमौलीबाट भिरकोट जाने सडकखण्ड अन्तर्गत ५० मिटर तल लडिरहेको अवस्थामा थापालाई फेला पारी प्रहरी तथा स्थानीय व्यक्तिको सहयोगमा उपचारका लागि दमौली अस्पताल ल्याइएको प्रहरी नायब उपरिक्षक मोहनबहादुर खाँणले जानकारी दिए।
घाइते थापालाई थप उपचारका लागि पोखरास्थित चरक अस्पतालमा पठाइएको छ । घटनाबारे अनुसन्धान भइरहेको प्रहरीले जनाएको छ ।
