निष्पक्ष र विश्वसनीय खबरको सँगालो 
Khabar Punja
१६ माघ २०८१, बिहीबार
दमौली । गण्डकी प्रदेश प्रहरी प्रमुख प्रहरी नायव महानिरीक्षक दुर्गा सिंहले नेपाल प्रहरी विशेष सुरक्षा गण, तनहुँ र नेपाल प्रहरी विद्यालय बेलचौतारा तनहुँको निरीक्षण तथा अवलोकन गरेकी छन्।
निरीक्षणको क्रममा प्रहरी नायब महानिरीक्षक सिंहले उक्त गणको कार्यालय भवन,ब्यारेक तथा मेष लगायतको निरीक्षण गरी भिड नियन्त्रण अभ्यास, रेसिस्ट डिभाइसको प्रयोग विधि सम्बन्धि डेमोहरुको अवलोकन समेत गरेकी थिइन् ।
साथै सम्पूर्ण प्रहरी कर्मचारीहरु २४ सै घण्टा परिचालन हुनुपर्ने बताउँदै उनले अनुशासनमा रही जिम्मेवारीका साथ कार्य सम्पादन गर्न समेत निर्देशन दिइन् । सोही अवसरमा प्रहरी नायव महानिरीक्षक सिंहले उक्त गणमा नव निर्मित मेसको उदघाटन गरेकी छन् ।
नेपाल प्रहरी विशेष सुरक्षा गण तनहुँका प्रमुख प्रहरी उपरीक्षक केदार खनालले प्रहरी नायव महानिरीक्षक सिहंलाई उक्त गणको वर्तमान अवस्था र प्रहरी परिचालनको विषयमा जानकारी गराएका थिए ।
त्यसक्रममा प्रहरी नायव महानिरीक्षक सिंहले नेपाल प्रहरी विद्यालय बेलचौतारा तनहुँको समेत स्थलगत निरीक्षण तथा अवलोकन गरी विद्यालयका शिक्षक,शिक्षिका,विद्यार्थीहरु लगायत विद्यालयमा कार्यरत सम्पुर्ण प्रहरी कर्मचारीहरुसँग परिचयात्मक तथा अन्तरक्रिया गरेकी थिइन् ।
