निष्पक्ष र विश्वसनीय खबरको सँगालो 
Khabar Punja
२३ असार २०८१, आईतवार
काठमाडौं । अमेरिका र वेष्ट इन्डिजमा जारी टी–२० विश्वकप क्रिकेटअन्तर्गत अफगानिस्तानले न्युजिल्याण्डलाई पराजित गरेको छ।
आज भएको खेलमा अफगानिस्तानले न्युजिल्याण्डलाई ८४ रनले पराजित गरेको हो।
अफगानिस्तानले न्युजिल्याण्डलाई जितका लागि १६० रनको लक्ष्य दिएको थियो।
जवाफी ब्याटिङ गर्ने क्रममा न्युजिल्याण्ड ७५ रन बनाएर १५.२ ओभरमै अल आउट भएको हो।
न्युजिल्याण्डलाई सस्तोमा समेट्न अफगानिस्तानका कप्तान रसिद खान र फजालहक फारुकीले समान ४ विकेट तथा मोहम्मद नावीले २ विकेट लिए।
न्युजिल्याण्डका ग्लेन फिलिप्सले १८ रन बनाउनु बाहेक अन्य ब्याटरले दोहोरो अंकमा रन बनाउन सकेनन्।
न्युजिल्याण्डका ओपनर फिन एलेन गोल्डेन डक भएका थिए। अर्का ओपनर डेभन कोन्वे ८, कप्तान केन विलियसन ९,ड्यारिल मिचेल ५, मार्क च्यापम्यान ४ र मिचेल सान्टनर ४ रन बनाएर आउट हुँदा माइकल ब्रेसवेल शून्यमै आउट भए।
यसअघि टस हारेर पहिले ब्याटिङ गरेको अफगानिस्तानले अफगानिस्तानले ६ विकेट गुमाएर १५९ रन बनाएको थियो। रहमदुल्ला गुरबाज र इब्राहिम जार्डनले पहिलो विकेटका लागि १ सय ३ रनको साझेदारी गरेका थिए।
गुरबाजले ५६ बलमा ५ छक्का र ५ चौकासहित ८० रन बनाए। जार्डनले ४१ बलमा ३ चौथो र २ छक्का साथ ४४ रन जोडे । न्युजिल्यान्डका ट्रेन्ट बोल्ट र म्याट हेनरीले समान २ विकेट लिए। लगातार २ खेल जितेको अफगानिस्तान ४ अंकसहित समूह सीको शीर्ष स्थानमा छ।
