निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमौली । पृथ्वीराजमार्ग अन्तर्गत तनहुँको म्याग्दे गाउँपालिका-६ अकलामा बसको ठक्करबाट शनिबार राति ९:०५ मा पैदलयात्री घाइते भएका छन् ।
पोखराबाट काठमाडौतर्फ जाँदै गरेको जिएए ००६७ ( GAA 0067) नम्बरको बसको ठक्करबाट नामथर वतन नखुलेका अन्दाजी ३५/४० वर्षीय पुरुष घाइते भएका हुन् ।
घाइतेलाई जिपी कोइराला श्वासप्रश्वास उपचार केन्द्रमा प्राथमिक उपचार पश्चात थप उपचारका लागि मणिपाल शिक्षण अस्पताल पोखरा पठाइएको जिल्ला प्रहरी कार्यालय तनहुँले जनाएको छ।
बस र चालक प्रहरी नियन्त्रणमा छन्। घाइतेको नामथर र वतन पत्ता लगाउने काम भइरहेको छ ।
