निष्पक्ष र विश्वसनीय खबरको सँगालो 
Khabar Punja
९ असार २०८१, आईतवार
काठमाडौ । ताप्लेजुङको फक्ताङलुङ गाउँपालिका–२ खेजिनिममा गएराति पहिरोमा परेर ज्यान गुमाउनेहरु उपाध्यक्षका परिवार रहेको खुलेको छ ।
गाउँपालिकाका अध्यक्ष राजन लिम्बूकाअनुसार गाउँपालिका उपाध्यक्ष रविन साम्रा लिम्बूको घर पहिरोमा पुरिँदा उहाँका बुवा ६९ वर्षीय रामबहादुर, कान्छीआमा जसमाया र बहिनीहरु नौ वर्षीया गङ्गा र जमुनाको ज्यान गएको हो ।
गङ्गा र जमुना जुम्ल्याहा दिदीबहिनी रहेको पनि अध्यक्ष लिम्बूले जानकारी दिए ।पहिरोमा परेर ४० वर्षीया युगेन लिम्बू र उहाँकी तीन वर्षीया छोरी घाइते हुनुभएको छ । राति दुई बजेतिर खसेको पहिरोले घर पुरिएको अध्यक्ष लिम्बूले जानकारी दिए ।
