निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
दमौली ।मिस नेपाल २०२४ को मिस पपुलर च्वाइसको राउण्ड पॉचमा तनहुँकी करुणा राउत तेस्रो स्थानमा परेकी छन् । मिस नेपालको टप १० का प्रतिस्पर्धामा रहेकी राउत यो हप्ताको भोटिङमा तेस्रो स्थानमा परेकी हुन् ।
चौथो राउण्डमा प्रथम स्थानमा रहेकी उनी यो पटक तेस्रो स्थानमा पुगेकी हुन् । मिस नेपालका प्रतिस्पर्धीलाई भोट गर्न अब छ दिन बॉकी छ ।
१५ वर्षको उमेरमै मोडलिङमा प्रवेश गरेकी उनी यसअघि मिस एसएलसी पोखरा-२०१४ की रनरअप समेत हुन् । सिड्नीबाट ब्याचलर्स अफ नर्सिङ अध्ययन गरेकी करुणाले सन् २०२० देखि नर्सिङ क्षेत्रमा सक्रिय रहँदै आएकी छन् । उनीसँग अस्ट्रेलियाको सांसदले सञ्चालन गर्ने ‘नेशनल लिडरसिप फोरम’मा सहभागी भएको अनुभव समेत छ ।उनले मिस वर्ल्ड अस्ट्रेलियाको फाइनलमा रकी गादरकोल शो मोडलको रूपमा र्याम्प वाक प्रदर्शन गरेकी थिइन् ।
