निष्पक्ष र विश्वसनीय खबरको सँगालो 
Khabar Punja
१८ कार्तिक २०८१, सोमबार
दमाैली । तनहुँ प्रहरीले अवैध चिरान काठ सहित मङ्गलबार एक जनालाई पक्राउ गरेको छ । पक्राउ पर्नेमा घिरिङ गाउँपालिका–५ बस्ने २५ वर्षीय अवि बहादुर राना रहेको जिल्ला प्रहरी कार्यालय तनहुँले जनाएको छ ।
व्यास नगरपालिका–१ मिलनटोलस्थित छाब्दी सडकमा मनकामना चोकतर्फ आउँदै गरेको ग १ त ४२४१ नम्बरको ट्याक्टर जाँच गर्ने क्रममा अवैध चिरान काठ सहित निजलाई पक्राउ गरिएको प्रहरी नायब उपरिक्षक दीपक रायले जानकारी दिए।
प्रहरीले उक्त ट्याक्टरबाट ३१.६० क्युफिट (१२० थान) चिलाउने चिरान काठ बरामद गरेको छ । पक्राउ परेका चालक सहित काठलाई आवश्यक कारवाहीका लागि डिभिजन वन कार्यालय तनहुँमा बुझाइएको रायले बताए ।
