निष्पक्ष र विश्वसनीय खबरको सँगालो 
Khabar Punja
३१ भाद्र २०८१, मंगलवार
दमौली। लायन्स क्लव अफ तनहुँ सत्यवती र लियो सत्यवतीले लायन्स कपडा बैंकलाई कपडा हस्तान्तरण गरेको छ । लायन्स क्लव अफ तनहुँ दमौलीले व्यास-३ मा सञ्चालन गरेको कपडा बैंकलाई क्लवले बिहीबार दश बोरा कपडा हस्तान्तरण गरेको हो ।
लायन्स क्लव अफ तनहुँ सत्यवती अध्यक्ष पवित्रा खनालले लायन्स क्लव अफ तनहुँ दमौलीका अध्यक्ष रनिल रोकालाई बिहीबार लगाउनयोग्य कपडा हस्तान्तरण गरेकी छन् । आर्थिक रुपमा विपन्नलाई वितरणका लागि सञ्चालन गरिएको कपडा बैंकले धेरैलाई सहयोग पुगेकाले क्लवका तर्फबाट सहयोग गरिएको खनालले बताइन् ।
