Khabar Punja

पाेखरा । राष्ट्रिय स्वतन्त्र पार्टीका पूर्व सांसद डाक्टर ढाकाकुमार श्रेष्ठ लागुऔषध बेचविखन आरोपमा पक्राउ परेका छन्। श्रेष्ठले लागुऔषध बिक्री गरेको पाइएकाले बिहीबार उनलाई पक्राउ गरेको कास्की प्रहरी प्रमुख एसपी मोहन थापाले बताए।

थापाका अनुसार लागुऔषध प्रयोगकर्ताले दिएको जानकारीका आधारमा श्रेष्ठ पक्राउ परेका हुन्। ‘एक महिनाअघि लागुऔषध सहित पक्राउ परेका व्यक्तिलाई कहाँबाट किन्नुभयो भनेर सोध्दा दिया फार्मेसीबाट भन्ने जानकारी दिए,’ एसपी थापाले भने, ‘दिया फार्मेसी ढाकाकुमार श्रेष्ठको नाममा रहेछ, अनि पक्राउ गरेका छौं।’

प्रहरीले श्रेष्ठलाई लागुऔषध बेचविखन सम्बन्धी मुद्दा चलाउने पनि एसपी थापाले बताए। लागुऔषध बेचविखनमा पक्राउ परेका श्रेष्ठलाई यसअघि राष्ट्रिय स्वतन्त्र पार्टीले अनैतिक गतिविधि गरेको भन्दै सांसद र पार्टी सदस्यबाट निस्कासन गरेको थियो।