निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
दमौली । बन्दीपुर हिलले पर्यटन दिवसको अवसर पारेर निशुल्क बस सेवा सुरु गरेको छ । बन्दीपुर केबलकारको बटम स्टेशनदेखि डुम्रे बजार हुँदै पिप्लेसम्म निशुल्क बस सेवा सञ्चालन गरेको हो ।
निशुल्क बस सेवाले बन्दीपुर हिलसम्म आवतजावत गर्नेलाई सहज हुने बन्दीपुर केबलकार एण्ड टुरिजम लिमिटेडका अध्यक्ष रामचन्द्र शर्माले जानकारी दिए ।
भदौ २४ गतेदेखि नियमित मर्मतका लागि बन्द रहेको केबलकार असोज १० देखि सञ्चालनमा आइसकेको छ । बन्दीपुर हिलले आन्तरिक तथा बाह्य पर्यटक आकर्षित गरेको छ । बन्दीपुरको मात्रै नभई समग्र तनहुँको पर्यटन प्रबर्धनमा बन्दीपुर हिलले सहयोग पुर्याएको प्रमुख कार्यकारी अधिकृत किरण पोख्रेलले जानकारी दिए ।
