निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
काठमाडौ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई बुटवलबाट पुनः कास्कीको पोखरा ल्याइएको छ।
रविलाई भैरहवाबाट बुद्ध एयरको विमानमार्फत आज दिउँसो पोखरा ल्याइएको हो। बिहानै ७ बजेर ४५ मिनेटको बुद्ध एयरको विमानबाट कास्की लगिने तयारी भए पनि भिजिबिलिटी कम हुँदा साढे १ बजे मात्र फ्लाइट भएको हो।
उनलाई पोखरा विमानस्थलबाट सोझै स्वास्थ्य परीक्षणका लागि पोखरा स्वास्थ्य विज्ञान प्रतिष्ठान लगिएको छ। लामिछानेलाई खासै स्वास्थ्य समस्या नदेखिए पनि प्रहरीले रीत पुर्याउन अस्पताल लगेको हो। त्यस लगत्तै उनलाई कास्की प्रहरीको हिरासतमा राखिनेछ।
