Khabar Punja

दमौली । लायन्स क्लब अफ तनहुँ दमौलीको आयोजनामा ब्याडमिन्टन टुर्नामेन्ट सम्पन्न भएको छ

प्रतियोगितामा धादिङका लक्ष्मण मल्ल र रामचन्द्र गिरीको टिम पहिलो भएको छ। त्यस्तै विष्णु श्रेष्ठ र राजकुमार श्रेष्ठको टिम द्वितीय भएको छ। वसन्त मल्ल र गौरव श्रेष्ठ तथा र सरोज जमरकट्टेल र सन्दीप श्रेष्ठको टिम सान्त्वना भएको कार्यक्रम संयोजक महेन्द्र रिजालले जानकारी दिए ।

प्रतियोगितामा २२ वटा टिमले सहभागिता जनाएका थिए। विजेताले क्रमश, नगद रु ३० हजार, रु २० हजार र रु १० हजार नगद पुरस्कार प्राप्त गरेका छन्।

विजेतालाई व्यास नगरपालिकाका प्रवक्ता कुमार गुरुङले पुरस्कार वितरण गरेका थिए । तनहुँ जिल्लामा खेलकुदको महत्वलाई प्रवर्द्धन गर्दै स्थानीय खेलाडीहरूलाई प्रोत्साहित गर्न कार्यक्रमले भूमिका खेलेको क्लवका अध्यक्ष रनिल रोकाले जानकारी दिए।

उनले भने, ‘प्रतियोगिता तनहुँ जिल्लाको खेलकुद क्षेत्रको विकासमा एउटा कोसेढुङ्गा साबित भएको विश्वास गरेका छौ ।’