निष्पक्ष र विश्वसनीय खबरको सँगालो 
Khabar Punja
५ माघ २०८१, आईतवार
दमाैली । नेपाल प्रिमियर लिगमा सहभागिता जनाउने पोखरा एभेन्जर्सको टोलीलाई दमौलीमा स्वागत गरिने भएको छ । तनहुँ उद्योग वाणिज्य सङ्घले मङ्सिर ३ गते सोमबार पोखरा एभेन्जर्सको टोलीलाई स्वागत एवं सम्मान गर्न लागेको हो ।
दमौली बजारमा ¥याली सहित दिउँसो १२ः३० बजे अनसन चौतारीमा स्वागत एवं सम्मान कार्यक्रम गरिने सङ्घका प्रथम उपाध्यक्ष कुमार मल्लले जानकारी दिए । उक्त कार्यक्रममा सहभागिताका लागि मल्लले सबै खेलप्रेमीलाई आग्रह गरेका छन् ।
नेपाली राष्ट्रिय टोलीका ओपनर कुशल भुर्तेल मार्कि रहेको पोखरा एभन्जर्समा चार विदेशी खेलाडीहरू इंग्ल्यान्डका म्याट क्रिचली, वेस्ट इन्डिजका एन्डर्सन फिलिप, अमेरिकाका आन्द्रेस गौस र नेदरल्यान्ड्सका बास डि लिडे अनुबन्ध भइसकेका छन् ।
त्यस्तै टोलीमा नेपालबाट सागर ढकाल, आकाश चन्द, किरण कुमार ठगुन्ना, नारायण जोशी, बिपिन खत्री, दिलिप नाथ, तृत राज दास, सुनम गौतम, दिनेश खरेल र अमृत गुरुङ अक्सनमार्फत छनोट भइसकेका छन् । त्यस्तै आइपिएलमा चेन्नई सुपरकिङ्सका लागि ब्याटिङ र फिल्डिङ प्रशिक्षक रहेका राजिव कुमारलाई पोखराले मुख्य प्रशिक्षकका रुपमा अनुबन्ध गरिसकेको छ ।
एनपिएपल आगामी मंसिर १५ देखि पुस ६ सम्म आयोजना हुँदैछ ।
