निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
काठमाडौं । नेपाल प्रिमियर लिग (एनपीएल)अन्तर्गत उपाधी दाबेदार मानिएको कर्णाली याक्सले जनकपुर बोल्ट्सविरूद्ध चुनौतीपूर्ण लक्ष्य दिएको छ ।
कीर्तिपुरस्थित त्रिवि मैदानमा टस जितेर ब्याटिङ रोजेको कर्णालीले निर्धारित २० ओभरमा ७ विकेट गुमाउँदै १४१ रन जोडेको हो । कर्णालीका लागि आशा गरिएका विदेशी स्टार खेलाडी सस्तैमा समेटिए । चर्चित भारतीय क्रिकेटर शिखर धवन, वेस्ट इण्डिजका चाडविक वाल्टन, ओमानका जीशन मक्सूद, हङकङका बाबर हायत सस्तैमा आउट भएका हुन् ।
एनपीएलकै हाइफ्रोफाइल खेलाडी एवं सबैभन्दा आशा गरिएका धवन नै १४ रनमा आउट भए । १४ बल खेले तर ३ चौका मात्रै प्रहार गर्न सके । हर्ष ठाकरले उनको विकेट लिएका हुन् । यसैगरी बाबर १२, वाल्टन ८ रन, मक्सूद शून्यमै आउट भए ।
