निष्पक्ष र विश्वसनीय खबरको सँगालो 
Khabar Punja
१२ पुष २०८१, शनिबार
दमौली । स्वास्थ्य तथा जनसङ्ख्यामन्त्री प्रदीप पौडेलले पूर्व राज्यमन्त्री एवं नेपाली कांग्रेसका नेता अमरराज कैनीद्वारा लिखित पुस्तकको शुक्रबार विमोचन गरेका छन् ।
दमौलीमा आयोजित कार्यक्रममा स्वास्थ्य मन्त्री पौडेलले कैनीद्वारा लिखित ‘आफ्नै विगत नियाल्दा, प्रजातन्त्रको सौन्दर्य र अविस्मृत विम्बहरू’ पुस्तकको विमोचन गरेका हुन् ।
त्यसक्रममा मन्त्री पौडेलले नेपालको प्रजातान्त्रिक आन्दोलन, कांग्रेस पार्टीको सुदृढीकरणमा कैनीको भूमिकालाई बिर्सन नमिल्ने बताए ।
नेपालको प्रजातान्त्रिक आन्दोलनमा अमरराज कैनीको महत्त्वपूर्ण भूमिका रहेको मन्त्री पौडेलले बताए ।
कार्यक्रममा गण्डकी प्रदेशसभा सदस्य जितप्रकाश आले, व्यास नगरपालिकाका प्रमुख वैकुण्ठ न्यौपाने, संविधान सभा सदस्य रामचन्द्र पोख्रेल, नेकपा एमाले तनहुँका अध्यक्ष हरिराज कंडेल लगायत सहभागी थिए ।
