निष्पक्ष र विश्वसनीय खबरको सँगालो 
Khabar Punja
२० चैत्र २०८१, शुक्रबार
दमाैली । जिल्ला खेलकुद विकास समितिको आयोजनामा आगामी फागुन ३ र ४ गते जिल्लास्तरीय राष्ट्रपति रनिङशिल्ड प्रतियोगिता हुने भएको छ । जिल्ला समन्वय समितिका प्रमुख एवं राष्ट्रपति रनिङशिल्ड सल्लाहकार समितिका अध्यक्ष शान्तिरमण वाग्लेको अध्यक्षतामा बसेको बैठकले उक्त मितिमा दमौलीस्थित खेलमैदानमा प्रतियोगिता सञ्चालन हुने निर्णय गरेको खेलकुद विकास समितिका अध्यक्ष अनिल पाण्डेले जानकारी दिए ।
जिल्लाका सबै पालिकामा पालिकास्तरीय राष्ट्रपति रनिङशिल्ड प्रतियोगिता अन्तिम चरणमा रहेकाले माघ ३० गतेसम्म पालिकाबाट छनोट भएका खेलाडीको नामावली कार्यालयमा उपलब्ध गराउन आग्रह गरिएको उनले बताए।
विगतका वर्षमा जिल्लास्तरीय राष्ट्रपति रनिङशिल्ड प्रतियोगिताका लागि खेलकुद मन्त्रालयबाट बजेट विनियोजन हुने गरे पनि यस वर्ष भने उक्त बजेट कटौती भएको छ । मन्त्रालयले बजेट नछुट्याएका कारण आन्तरिक स्रोत जुटाएर कार्यक्रम गर्नुपर्ने बाध्यताका कारण प्रत्येक पालिकालाई रु २५ हजार दर्ता शुल्क तोकिएको अध्यक्ष पाण्डेले बताए । प्रतियोगितामा छात्रछात्रा कराते, तेक्वान्दो, उसु, भलिबल, कबड्डी, एथलेटिक्सका खेल सञ्चालन हुनेछन्
