निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमाैली । तनहुँको बन्दीपुर गाउँपालिका–६ का वडा सचिव नविन भुषालमाथि कुटपिट भएको छ । सोही वडाका अध्यक्ष बलबहादुर गुरुङले सचिव भुषालमाथि साेमबार कुटपिट गरेका हुन् ।
वडाध्यक्षको कुटपिटबाट घाइते सचिव भुषालको बन्दीपुर अस्पतालमा उपचार भइरहेको छ । बिल पास नगरेको भन्दै वडाध्यक्ष गुरुङले सचिव भुषालमाथि कुटपिट गरेका हुन् ।
यसैबीच कर्मचारीमाथि भएको कुटपिटको कर्मचारी सङ्घसङ्गठनले विरोध जनाएका छन् । आज संयुक्त रुपमा विज्ञप्ती प्रकाशित गरी नेपाल निजामती कर्मचारी सङ्गठन तनहुँ, नेपाल निजामती कर्मचारी युनियन, राष्ट्रिय कर्मचारी सङ्गठन र आधिकारिक ट्रेड युनियन तनहुँले उक्त घटनाको विरोध गरेको छ ।
सार्वजनिक सेवा प्रवाहमा ऐन नियमको परिधिमा रही अहोरात्र कर्तव्य निर्वाह गरिरहेको एक कर्मचारीलाई कार्यस्थलमै जनप्रतिनिधिबाट घटाइएको कार्यको विरोध गर्दै घटनाको अविलम्ब सत्यतथ्य छानबिन गरी कानुन बमोजिम कारवाही गर्न माग गरिएको नेपाल निजामती कर्मचारी सङ्गठन तनहुँका अध्यक्ष भगवान त्रिपाठीले बताए ।
कर्मचारीलाई कार्यालयमा काम गर्न अनुकुल वातावरण उपलब्ध गराउन सकेमात्रै उसले तोकिएका जिम्मेवारी बहन गर्न सक्ने र सेवाग्राहीलाई गुणस्तरीय सेवा उपलब्ध गराउन सक्ने नेपाल निजामती कर्मचारी युनियन तनहुँका अध्यक्ष नारायणप्रसाद अधिकारीले बताए ।
